Cysylltu â ni

Os oes gennych unrhyw ymholiadau neu os oes angen unrhyw fynediad pellach arnoch i'r canlynol:

• Hyfforddiant SFS: Cyrchwch fodiwl Credydwr e-Ddysgu SFS a modiwl Cynghorydd e-Ddysgu SFS
• Logo SFS: Lawrlwythwch ein hasedau at ddefnydd awdurdodedig

Yna cysylltwch â ni ar [email protected]

Cwestiynau cyffredin

Gwiriwch yr atebion i rai o’n hymholiadau mwyaf cyffredin i weld a allant eich helpu gyda’r broblem rydych yn ei chael.

Efallai y bydd ein gwybodaeth am drwyddedau SFS a sut maent yn gweithio hefyd yn ddefnyddiol i chi.

Pam na allwn ddefnyddio manylion mewngofnodi a rennir ein sefydliad mwyach?

Mae gwefan SFS bellach yn defnyddio cyfrifon unigol er mwyn gwella diogelwch. Nid yw hen enwau defnyddwyr a chyfrineiriau a rennir yn gweithio mwyach.

Dylech greu a defnyddio eich cyfrif eich hun, a pheidiwch â rhannu eich manylion mewngofnodi â chydweithwyr.

Oes angen i fy sefydliad wneud cais am drwydded newydd oherwydd bod y wefan wedi newid?

Na, os oes gan eich sefydliad drwydded weithredol eisoes, nid oes angen gwneud cais am un newydd, gan fod y trwyddedau presennol wedi’u symud i’r wefan newydd.

Sut ydw i’n gwybod a oes gan fy sefydliad drwydded?

Gallwch wirio ein rhestr o sefydliadau aelod.

Sut ydw i’n cael mynediad os oes gan fy sefydliad drwydded eisoes?

Gallwch wneud hyn drwy’r ffurflen Gwneud cais i ddefnyddio SFS. Bydd angen i chi:

• gadarnhau bod gan eich sefydliad drwydded eisoes
• rhoi rhif aelodaeth eich sefydliad
• defnyddio eich cyfeiriad e-bost gwaith eich hun
• dilyn y cyfarwyddiadau yn eich e-bost dilysu i gwblhau’r broses o sefydlu eich cyfrif.

Beth os nad wyf yn gwybod rhif aelodaeth fy sefydliad

Gwiriwch gyda’r cydweithiwr sy’n gyfrifol am fynediad SFS yn eich sefydliad. Os oes angen cymorth arnoch o hyd, cysylltwch â thîm SFS gan roi:

• enw eich sefydliad
• eich cyfeiriad e-bost gwaith.

Beth ddylwn i ei wneud os nad oes gan fy sefydliad drwydded SFS?

Gallwch Wneud cais i ddefnyddio SFS yma. Bydd angen i chi:

• gadarnhau nad oes gan eich sefydliad drwydded
• rhoi cyfeiriad e-bost busnes
• esbonio gwasanaethau eich sefydliad a sut y byddwch yn defnyddio SFS.

Byddwn yn adolygu eich cais cyn rhoi trwydded.

A all sefydliad nad yw’n cynnig cyngor ar ddyledion wneud cais?

Gallant. Caiff ceisiadau gan sefydliadau nad ydynt yn rhoi cyngor eu hystyried ar sail eu rôl a sut maent yn bwriadu defnyddio SFS. Wrth wneud cais, dylech:

• esbonio pam mae angen mynediad ar eich sefydliad
• rhoi gwybodaeth berthnasol am eich sefydliad
• cynnwys unrhyw aelodaeth broffesiynol neu achrediadau.

Mae cymeradwyaeth yn amodol ar adolygiad, ac efallai y byddwn yn gwirio statws rheoleiddio sefydliad.

Pa mor hir mae cais am drwydded newydd yn ei gymryd?

Ein nod yw prosesu ceisiadau o fewn deg diwrnod gwaith. Gall gymryd mwy o amser os bydd angen rhagor o wybodaeth arnom neu os bydd rhaid i ni gynnal gwiriadau ychwanegol.

Caiff cofrestriadau cyfrifon unigol o dan drwydded bresennol eu prosesu’n awtomatig, ar yr amod bod y parth e-bost yn cyfateb i’r un sydd wedi’i restru ar gyfer y sefydliad.

A allaf ddefnyddio cyfeiriad e-bost personol neu barth e-bost gwaith gwahanol?

Ni dderbynir cyfeiriadau e-bost personol, fel Gmail neu Outlook.com. Bydd angen i chi ddefnyddio cyfeiriad e-bost sy’n cyfateb i’r parth sydd wedi’i gofrestru ar gyfer trwydded eich sefydliad.

Os yw eich sefydliad yn defnyddio mwy nag un parth, neu os yw’r parth wedi newid, cysylltwch â thîm SFS am gymorth.

Roedd gen i gyfrif ar yr hen wefan. A allaf fewngofnodi iddo o hyd?

Mae’n bosibl bod eich cyfrif wedi cael ei drosglwyddo, ond ni fydd eich hen fanylion mewngofnodi a rennir yn gweithio. Dylech:

• ddewis ‘Mewngofnodi’
• rhoi eich cyfeiriad e-bost gwaith cofrestredig
• dewis ‘Anghofio cyfrinair’.

Yna dilynwch y cyfarwyddiadau yn yr e-bost dilysu i osod eich cyfrinair eich hun. Os na ellir dod o hyd i’ch cyfrif, gallwch gysylltu â thîm SFS i wirio a ydych wedi cofrestru.

Pam nad wyf wedi cael e-bost dilysu neu e-bost ailosod cyfrinair?

Gwiriwch eich ffolder sbam neu sothach yn gyntaf. Os nad yw’r e-bost yno, gofynnwch i’ch tîm TG a yw negeseuon o [email protected] neu barth Microsoft.com wedi cael eu rhwystro neu eu rhoi mewn cwarantin.

Os nad ydych yn cael yr e-bost o hyd, cysylltwch â thîm SFS.

Beth mae’r gwall ‘undefined – undefined’ yn ei olygu?

Gall y gwall hwn ymddangos os nad yw eich cyfrinair yn ddigon cryf. Ceisiwch ddefnyddio cyfuniad o lythrennau mawr a bach, rhifau a symbolau.

Os yw’r gwall yn parhau i ymddangos, cysylltwch â thîm SFS gyda sgrin lun o’r neges (ond gwnewch yn siŵr nad ydych yn cynnwys eich cyfrinair).

A allaf gael mynediad at wefan SFS o’r tu allan i’r DU neu wrth ddefnyddio VPN?

Ar hyn o bryd, gall defnyddwyr y tu allan i’r DU gofrestru, ond ni allant fewngofnodi. Gall VPN hefyd eich atal rhag mewngofnodi os yw’n ymddangos bod eich cysylltiad o’r tu allan i’r DU.

Os ydych yn y DU ac yn defnyddio VPN, gofynnwch i’ch tîm TG am gymorth i wirio eich cysylltiad yn unol â gofynion diogelwch eich sefydliad.

Os ydych yn ddefnyddiwr cofrestredig o dan sefydliad sydd â thrwydded ac rydych y tu allan i’r DU, cysylltwch â thîm SFS i drafod cael adnoddau drwy e-bost.

Mae angen cymorth arnaf o hyd. Gyda phwy dylwn i gysylltu a pha wybodaeth dylwn i ei rhoi?

Anfonwch e-bost i [email protected], gan gynnwys:

• enw eich sefydliad
• ei rhif aelodaeth (os ydych yn ei wybod)
• eich cyfeiriad e-bost gwaith cofrestredig
• disgrifiad o’r broblem.

Os yw’n broblem dechnegol, ceisiwch gynnwys:

• y dudalen neu’r cam lle digwyddodd y broblem
• y neges gwall neu sgrin lun
• y porwr roeddech yn ei ddefnyddio
• unrhyw atebion dros dro rydych wedi rhoi cynnig arnynt.

Peidiwch ag anfon cyfrineiriau na chodau gwirio atom, a gwnewch yn siŵr eich bod yn dileu unrhyw wybodaeth am gleientiaid o sgrin luniau.